Futbol boýunça Türkmenistanyň milli ýygyndysynyň oýunçysy Arslanmyrat Amanow hünär ýoluny özbekleriň “Sogdiana” futbol klubunda dowam eder diýlip, nemesleriň Transmarkt portalynda habar berilýär.
Ýygyndy toparymyzyň oýunçysy özüniň täze topary bilen 2021-nji ýylyň soňuna çenli niýetlenen şertnama baglaşypdyr.
Ýeri gelende bellesek, 30 ýaşly A.Amanow geçen möwsümi Almalyk şäheriniň AGMK toparynda geçirdi. Ol Özbegistanyň “Superligasynda” toparynyň düzüminde geçiren 23 oýnunda netijeli urgularyň 2-sini geçirmegi başardy.
“Sogdiana” topary hakynda aýtsak, onda bu topar geçen möwsümde ýerli “Superligany” 6-njy orunda tamamlady.
