Türkmenistanda

1. Türkmenistanyň çäginden «Dostluk kerweni» halkara awtoulag ýörişi geçer. Ýöriş 24-nji aprelden 10-njy maý aralygynda Täjigistanyň, Özbegistanyň, Türkmenistanyň, Eýranyň we Ermenistanyň çäkleri boýunça geçiriler. Ony gurnaýjy hökmünde Ýol gurluşykçylarynyň hökümetara geňeşi çykyş edýär. Ýoluň umumy uzynlygy, takmynan, 4000 km bolar. Halkara awtoulag ýörişiniň çäklerinde Duşanbede, Samarkantda, Aşgabatda, Tähranda we Ýerewanda ylmy-amaly maslahatlary geçirmek meýilleşdirilýär.

2. Türkiýe «TOGG» kysymly elektrik awtoulagyny Türkmenistana we Özbegistana bölekleýin ýerlär. Türkiýäniň daşary işler ministri Mewlüt Çawuşoglunyň bellemegine görä, bütin dünýäde elektrik ulaglaryna uly gyzyklanma bildirilýär. Golaýda «TOGG» Bakuwda Azerbaýjanyň Prezidenti Ilham Aliýewe gowşuryldy. Ilkinji türk elektrik awtoulagy 2022-nji ýylyň oktýabr aýynda öndürilip başlandy. 2023-nji ýylyň martynda elektrik ulaglary öňünden sargyt bilen satuwa çykaryldy.

3. 12-13-nji aprel aralygynda Türkmenistanda adatdan daşary yssy howanyň boljakdygy bellenilýär. Käbir sebitlerde termometriň görkezijisiniň 40 gradusdan ýylylykdan ýokary geçmegine garaşylýar. Yssy howa ýurda Eýranyň çäginden geler. Hazar deňziniň üstündäki pes basyş zolagy sebäpli howa akymy Köpetdag daglaryndan geçeninde gyzýar. 14-nji aprelde temperaturanyň birdenkä peselmegine garaşylýar, käbir ýerlerde gysga möhletli ýagyş ýagar we tupan tuarar.

4. Aşgabadyň «ArtIst» teatrynyň aktýorlary Sankt-Peterburgda geçirlýän rus teatrlarynyň «Russiýadaky duşuşyklar» atly halkara festiwalyna gatnaşýarlar. Ostrowskiniň doglan gününiň 200 ýyllygyna bagyşlan festiwal 16-njy aprele çenli dowam eder. Aşgabatlylar festiwala ýaş režisýor Mekan Jumabaýewiň Aleksandr Ostrowskiniň pýesasy boýunça sahnalaşdyran «Düşewüntli ýer» spektakly bilen gatnaşýarlar.

5. «Turkmenportalda» Jennet Rozyýewanyň alypbarmagynda «Durmuş duralgasy» gepleşiginiň sany çykdy. Meşhur türkmen şahyry Kerim Hallyýew gepleşigiň myhmany boldy. Ol özüniň durmuş we döredijilik ýoly, ylhamy nireden alýandygy hem-de alyp barýan işlerinde özbek şahyrlarynyň nähili orny eýeleýändikleri barada gürrüň berdi. Alypbaryjy bilen söhbetdeşlikde ol döredijilik işine heniz mekdep döwründe gyzyklanma dörändigini belledi, şeýle hem meşhur eserlerini türkmen dilinde okady. Gepleşigiň doly görnüşine «Turkmenportal» saýtynda ýa-da «YouTube» kanalymyzda tomaşa edip bilersiňiz.

Dünýäde

6. Gamburg şäherinde Rotenburgsort etrabyndaky ammarda bolan ýangynyň netijeleri bilen göreşmegi dowam etdirýärler. Şäher ilatynyň bir bölegini zäherli tüsse bilen zäherlenmek howpy sebäpli ewakuasiýa etmeli boldy. Galan raýatlar öýden çykmazlyga, kondisionerleri we wentilýasiýa ulgamlaryny öçürmäge, penjireleri we gapylary ýapmaga çagyrylýar. Ýangyn ýük awtoulaglarynyň duralgasynda başlandy, soňra bolsa alawlar senagat ammarlaryna ýaýrady. Ammarlarda anyk nämäniň ýanýandygy mälim edilmeýär. Ýangyna we ondan soňky emele gelen tüssäniň derejesine howpuň iň ýokary derejesi berildi.

7. Režissýor Dmitriý Dýaçenkonyň «Çeburaşka» filmi dowam etdiriler. Bu barada Russiýanyň halk artisti Sergeý Garmaş habar berdi. «Çeburaşka» rus kinoprokatynyň taryhynda iň köp girdeji gazanan film boldy. Çykmagyndan bir aý soň film 6 milliard rubldan gowrak pul toplady.

Sport habarlary

8. Gurban Berdiýew duşenbe güni «Soçi» toparynyň baş tälimçisi wezipesini terk etdi. Bu barada Russiýanyň futbol klubynyň metbugat gullugy habar berýär. – «Soçi» Gurban Bekiýewiçe geljekki karýerasynda we durmuş ýolunda üstünlik arzuw edýär» diýlip, habarda bellenilýär. Ýatlatsak, Berdiýew dekabr aýynda 2025-nji ýyla çenli şertnama baglaşyp, «Soçiniň» baş tälimçisi wezipesine bellenipdi. RPL-niň soňky dört duşuşygynda Soçiniň topary üç gezek ýeňlişe sezewar boldy. 22 tapgyrdan soň «Soçi» 31 utuk toplap, Russiýanyň premýer-ligasynda dokuzynjy orunda barýar.

9. 13-nji aprelde Türkmenistanda ýokary liganyň klublarynyň ýaşlar toparlarynyň arasynda futbol boýunça ýurduň birinjiligi ugrunda ýaryş başlanýar. Ýaşlar toparlarynyň çempionaty bu ýylda 3 aýlaw tapgyrynda geçiriler. ýaryş 2019-njy ýylda döredildi. «Altyn asyr-2» bassyr dört ýyl bäri çempionlygy eýeläp gelýär.

10. Londonyň «Tottenhem» toparynyň hüjümçisi Son Hyn Min Angliýanyň premýer-ligasynda 100 pökgi geçirmegi başaran ilkinji aziýaly futbolçy boldy. 30 ýaşly koreýaly futbolçy özüniň ýüzünji pökgüsini Angliýanyň çempionatynyň 30-njy tapgyrynda «Braýtonyň» derwezesine geçirdi. Bu netijäni gazanmak üçin hüjümçä APL-de 260 duşuşyga çykmak gerek boldy.