Girmek
20-nji dekabrda Tokio şäherinde döwlet Baştutanlarynyň gatnaşmagynda «Merkezi Aziýa + Ýaponiýa» sammiti geçiriler. Bu barada «Ýaponiýa — Merkezi Aziýa» Dostluk ligasynyň umumy ýygnagynda mälim edildi diýip, «Kyodo News» neşiri habar berýär.
2-nji dekabrda Ýaponiýanyň Liberal demokratik partiýasynyň wise-prezidenti Taro Asonyň başlyklyk etmegine geçirilen ýygnakda Premýer-ministr Premýer-ministri Sanae Takaitiniň sammite taýýarlyk işlerini Merkezi Aziýanyň bäş ýurdy bilen işjeň utgaşdyrýandygy bellenildi.
Habarda bellenilişine görä, sammitiň çäginde Ýaponiýanyň Premýer-ministriniň Merkezi Aziýa döwletleriniň Liderleri bilen ikitaraplaýyn duşuşyklary geçirmegi hem göz öňünde tutulýar.
Maglumat üçin, Merkezi Aziýa ýurtlary bilen Ýaponiýa 20 ýylyň dowamynda şeýle formatdaky gepleşikleri diňe ministrler derejesinde geçirdi.
«Merkezi Aziýa + Ýaponiýa» dialogynyň 20 ýyllygynyň çäklerinde 2024-nji ýylyň awgust aýynda Prezidentleriň derejesinde Gazagystanda sammit geçirmek meýilleşdirilipdi. Emma Ýaponiýada şol döwür bolup geçen weýrançylykly ýertitremesi zerarly, duşuşyk yza süýşürilip, onuň geçiriljek senesiniň bolsa gaýtadan ylalaşyljakdygy habar berlipdi.