Girmek
Türkmen bilýardçysy Kadyrberdi Çalyýew «Stawropol ülkesiniň gubernatorynyň kubogy» atly bilýard boýunça halkara Dünýä kubogy ýaryşynda üstünlikli çykyş edip, erkekleriň arasynda bürünç medal gazandy.
Bu abraýly ýaryş 23-30-njy iýun aralygynda Stawropolda Halkara Piramida Konfederasiýasynyň, Russiýa Federasiýasynyň Sport baradaky ministrliginiň, Russiýanyň Bilýard federasiýasynyň we Stawropol ülkesiniň Bilýard federasiýasynyň howandarlygynda geçirildi.
Türkmen türgeni Kadyrberdi Çalyýew bilýardyň «Kombinirlenen piramida» görnüşinde ýokary derejeli oýun görkezip, ýaryşyň ýarym finalyna çykdy. Matç-TW telekanalynda göni ýaýlymda görkezilen ýarym final duşuşygynda aşgabatly bilýardçy Rostow boýundaky Don şäherinden bolan geljekki çempion Iosif Abramow bilen duşuşdy we garşydaşyndan 8:3 hasabynda ýeňildi. Ýeňilendigine garamazdan, Çalyýew öz ýarym final oýnunda ýeňilen moskwaly Andreý Şagaýew bilen bilelikde bürünç medala mynasyp boldy.
Türkmenistanyň ýygyndysyna bu ýaryşda Türkmenistanyň Bilýard federasiýasynyň başlygy Batyr Aşyrowyň ýolbaşçylygynda 12 türgen wekilçilik etdi.
