Girmek
«Toburo» Demokratik partiýasyndan dalaşgär Li Çže Men Koreýa Respublikasynda geçen Prezident saýlawlarynda ýeňiş gazandy. Ol saýlawçylaryň 49,4 göteriminiň sesini aldy. Şeýle maglumaty ýurduň Merkezi saýlaw geňeşi saýlaw býulletenlerini 100 göterim sanandan soňra habar berdi diýip, TASS ýazýar.
Meniň esasy garşydaşy, dolandyryjy «Raýat güýji» partiýasyndan Kim Mun Su saýlawçylaryň 41,1 göterim sesini aldy.
Düýn täze Prezident kasam kabul etdi, ol bäş ýyl möhlet bilen ýurda baştutanlyk eder.
Saýlawlardan öň Li Çže Men paýtagty Seuldan Sejona geçirmek barada başlangyç bilen çykyş etdi. Ol şeýle hem saýlanan halatynda watandaşlarynyň durmuş goraglylygynyň döwletiň baş wezipesi boljakdygyny, ykdysadyýeti halas etmegi hem-de raýatlaryň durmuş goraglylygyna has mätäç gatlaklaryna kömek etmegi söz berdi.
Saýlawlara gatnaşyk 79,4 göterimi düzdi, bu soňky 28 ýylda iň ýokary görkezijidir.