Girmek
«Türkmendermansenagat» birleşiginiň Daşoguzdaky zyýansyzlandyrylan sargy serişdelerini öndürýän kärhanasynyň işçi-hünärmenleri tarapyndan 2025-nji ýylyň 4 aýynda 2 million 800 müň manatlykdan gowrak önüm öndürildi.
Netijede önümçiligiň ähli görnüşleri boýunça ýokary görkezijiler gazanyldy diýlip, türkmen metbugatynda habar berildi.
Önümçiligiň kuwwatlylygy taýdan welaýatyň senagatynda ähmiýetli orun eýeleýän döwrebap kärhanada işçi-hünärmenleriň 300-e golaýy zähmet çekýär. Bu ýerde ornaşdyrylan innowasion tehnologiýalar, öňdebaryjy, kämil enjamlar ösen döwletleriň derejesinde ýokary hilli önümleriň ýylda 13 million gaplamasyny öndürmäge mümkinçilik berýär.
Kärhanada kukmançylykda giňden ulanylýan dürli möçberdäki önümleriň 15 görnüşi öndürilýär. Bu ýerde önümçilik bölümleriniň dördüsi hereket edýär. Agartma, gipsleme, dokma, sargy serişdelerini taýýarlaýan bölümlerde çig mal hökmünde, esasan, ýerli pagta ulanylýar.