Girmek
2-nji maýda Türkmenistanyň Döwlet haryt-çig mal biržasynyň söwdalarynda jemi 2 million manada we 223 900 ABŞ dollaryna deň bolan 3 geleşik baglaşyldy. Bu barada Türkmenistanyň Döwlet haryt-çig mal biržasynyň resmi saýtynda habar berildi.
Türkiýe döwletiniň işewürleri «Türkmennebit» döwlet konserninden «BND 60/90» görnüşli ýol bitumyny satyn almak barada geleşikleri baglaşdylar. Şeýle hem Birleşen Arap Emirlikleriniň işewürleri bilen Türkmenistanyň Saglygy goraýyş we derman senagaty ministrliginden buýan kökiniň goýy ekstraktyny satyn almak barada geleşikler baglaşyldy.
Içerki bazarda ýerli işewürler «Türkmennebit» döwlet konserninden «TPP D 30 S» görnüşli polipropileny satyn almak barada geleşikleri baglaşdylar.
