Girmek
Rus diplomatlary Türkmenistanda ýaşaýan tylda zähmet çeken Ýewgeniýa Mazanowy 94 ýaşy bilen gutlaýarlar. Bu barada Russiýanyň Aşgabatdaky ilçihanasynyň metbugat gullugy habar berdi.
«Däp bolşy ýaly, 10-njy aprelde ilçihananyň işgärleri 94 ýaşyny belleýän Ýewgeniýa Aleksandrowna Mazanowyň ýanyna baryp, oňa ilçi Iwan Wolynkiniň gutlag hatyny gowşurdylar» diýlip, habarda bellenilýär.
Duşuşykda Ýewgeniýa Mazanowa Saratowda bolan uruş ýyllary baradaky ýatlamalaryny paýlaşdy we deň-duşlary bilen Beýik Watançylyk urşy döwründe fronta ibermek üçin azyk önümlerini nädip taýýarlandyklaryny gürrüň berdi.
Ilçihananyň belleýşi ýaly, diplomatik gullugyň işgärleri Ýewgeniýa Mazanowa saglyk we üstünlik arzuw etdiler.