Girmek
ABŞ-nyň Minnesota ştatynyň Sent-Pole diýen ýerindäki ýazyjy Frensis Skott Fisdžeraldyň heýkeliniň bir elini kesip aldylar diýip, «ABC News» teleýaýlymyna salgylanýan «Gazeta.ru» habar berýär.
Meşhur «Beýik Getsbi» romanynyň awtorynyň ýaşlygy şekillendirilen heýkel onuň 1908-1911-nji ýyllaryň dowamynda okan Keramatly Pawlyň Akademiýasynyň golaýynda ýerleşýär.
Heýkel mundan 20 ýyla golaý wagt öň heýkeltaraş Aaron Daýsart tarapyndan döredilipdir.
Bürünç heýkeli çalyşmak takmynan 40 müň dollara düşer. Ýerli ýaşaýjylar heýkeliň öňki ornunda dikeldilmegine umyt edýärler diýlip, habarda bellenýär.