Girmek
Halajyň nah ýüplük egriji fabriginde 2024-nji ýylda jemi 4 müň 110 tonna nah ýüplügi öndürildi. Şeýlelikde, 105 million 138 müň 862 manatlyk iş edildi. Bu barada «Türkmen gündogary» gazetinde habar berildi.
Habarda bellenilişi ýaly, taýýar önümleriň 1 müň 850 tonnasy Türkiýe, Russiýa Federasiýasy, Özbegistan, Ermenistan ýaly ýurtlara eksport edildi. Fabrikde 2025-nji ýylda bu görkezijileri has-da artdyrmak ugrunda häzirki günlerden derwaýys işleri alnyp barylýar.
Beýik Saparmyrat Türkmenbaşy adyndaky bu fabrik 2005-nji ýylyň maý aýynda açylyp, şondan bäri hem doly güýjünde işläp gelýär. Dünýäniň öňdebaryjy kompaniýalarynyň kämil dokma enjamlary bilen birkemsiz enjamlaşdyrylan bu kuwwatly kärhanada, esasan-da, nah ýüplükleriň 14-lik, 17-lik, 20-lik, 27-lik, 34-lik ýaly görnüşleri öndürilýär.