Girmek
2026-njy ýylda «Samsung» korporasiýasy kremniý-uglerod batareýaly smartfonlary öndürip başlar. Bu barada «SamMobile» saýtyna salgylanýan «MIR 24» habar berýär.
Häzirki wagtda bu koreý kompaniýasy dünýädäki beýleki öndürijileriň köpüsi ýaly, litiý-ion akkumulýatorly el telefonlaryny öndürýär. Indi kompaniýanyň inženerleri senagatda öwrülişik döretjek kremniý-uglerodly batareýalary döretmäge golaýladylar.
«Ice Universe» neşiriniň ýazmagyna görä, şeýle batareýalaryň artykmaçlygy olaryň düzüminde kobalt, litiý we nikel ýaly daşky gurşawa zyýan ýetirýän seýrek magdanlaryň ýokdugydyr. Kremniý-uglerod batareýalar energiýanyň gysbylygyny üpjün edýärler, bu bolsa has ykjam akkumulýatorlary öndürmäge mümkinçilik berer.
Galyberse-de, täze görnüşdäki batareýalaryň ýene bir artykmaçlygy— olar seýrek gyzýar we partlama töwekgelçiligi az bolup durýar.