Girmek
16-18-nji dekabr aralygynda Türkmenistanda Eýran Yslam Respublikasynyň ilçihanasynyň ýanyndaky Medeniýet merkeziniň goldamagynda Çagalar dostlugynyň hepdeligi geçiriler. Bu üýtgeşik çäre iki ýurduň ýaş raýatlaryny döredijilik ylhamynyň we özara düşünişmegiň özboluşly gurşawynda birleşdirer.
Çäräniň guramaçylary çagalaryň işjeň gatnaşmaklary üçin dürli interaktiw çäreler bilen baýlaşdyrylan maksatnamany işläp taýýarladylar. Dostluk hepdeliginiň çäklerinde sergiler, gurjak ýasamak boýunça ussatlyk sapaklaryň, surat çekmek boýunça sapaklaryň, peýdaly fiziki maşklaryň we medeni alyş-çalyşlaryň, şeýle-de Türkmenistanyň we Eýranyň çagalarynyň arasynda dostluk gatnaşyklaryny berkitmäge gönükdirilen şadyýan we gyzykly oýunlaryň geçirilmegi göz öňünde tutulýar.
Dostluk hepdeliginiň açylyşy 16-njy dekabrda sagat 16:00-da Türkmenistanyň Döwlet gurjak teatrynda geçiriler. Şunuň bilen birlikde, çärä girmeklik açyk (tölegsiz) boljakdygy bellärliklidir, bu bolsa ýokary ähmiýetli çärä has köp çaganyň gatnaşmagyna mümkinçilik berer.