«Iňňe» hojalyk jemgyýeti – ýokary hilli mebelleriň türkmen öndürijisi özüniň «RRR mebel» brendini buýsanç bilen hödürleýär. Üstünlikli iş alyp baran 30 ýyldan gowrak döwrüniň dowamynda kärhana öý we ofis üçin ajaýyp mebel çözgütlerini hödürleýän ygtybarly hyzmatdaş hökmünde abraý gazandy.

Kompaniýa haryt nyşanyny Türkmenistanyň Maliýe we ykdysadyýet ministrliginiň Intellektual eýeçilik boýunça döwlet gullugynda resmi taýdan hasaba aldyrdy.

«RRR mebel» – iň talapkär islegleri hem kanagatlandyrmaga ukyply mebelleriň giň toplumydyr. Kompaniýanyň hödürleýän önümleri aşakdakylary öz içine alýar:

- aşhana mebelleri: aşhanada amatly gurşaw döredýän funksional we ajaýyp mebel toplumlary.

- ýaşaýyş otaglary üçin mebeller: amatly we ajaýyp interýer döretmek üçin niýetlenen rahat krowatlar, şkaflar, tekjeler we beýleki mebeller.

- çaga otaglary üçin mebeller: çaganyň ösmegine ýardam berýän howpsuz we funksional mebeller.

- myhman otagy üçin mebeller: dynç alyş gurşawyny döretmek üçin ajaýyp diwanlar, kürsüler, žurnal stollary.

- hammam mebelleri: hammamda amatly gurşaw döretmek üçin ajaýyp tekjeler, aýnalar we esbaplar.

- ofis mebelleri: öndürijilikli iş gurşawyny döretmek üçin rahat iş stollary, kürsüler we şkaflar.

- gapylar we derwezeler: howpsuzlygy we rahatlygy üpjün etmek üçin ygtybarly hem-de owadan gurluşlar.

- bassyrmalar (besedkalar): arassa howada dynç almak üçin amatly ýerler.

Kompaniýanyň önümçiliginde tejribeli inženerleri, marketologlary, dizaýnerlery we agaç ussalaryny öz içine alýan ussat hünärmenler topary işleýär. Kärhana dünýäniň öňdebaryjy öndürijileriniň ýokary tehnologiýaly enjamlary bilen enjamlaşdyrylandyr. Önümçilikde dub, dagdan we sosna ýaly gymmat bahaly agaç görnüşleri, şeýle hem häzirki zaman materiallar – MDF we DSP ulanylýar.

«Müşderiniň ynamy – biziň üçin hiliň esasy görkezijisidir. 10-20 ýyl ozal mebellerimizi satyn alan köp müşderiler çagalarynyň öýlerini hem abadanlaşdyrmak üçin bize ýüz tutýarlar» diýip, kompaniýada belleýärler.

«RRR mebel» müşderilere öýlerini abadanlaşdyrmak üçin giň mümkinçilikleri hödürleýär: mebel islendik çylşyrymlylykda, dürli reňklerde we ululykda, şeýle hem islendik stilde – nusgawydan başlap, haýtek we döwrebap görnüşde ýasalyp bilner.

Kompaniýa Ýewropa we Aziýa öndürijileriniň öňdebaryjy tejribesini yzygiderli öwrenýär we durmuşa geçirýär, bu bolsa ýokary hil standartlaryny üpjün etmäge we mebel dizaýnynyň häzirki zaman meýillerine laýyk gelmäge mümkinçilik döredýär.

Üç onýyllygyň dowamynda «RRR mebel» türkmen mebel bazarynda hiliň we ygtybarlylygyň nyşanyna öwrüldi hem-de müşderileriň barha artýan isleglerini kanagatlandyrmak üçin ösmegini we önümlerini kämilleşdirmegini dowam etdirýär.

Habarlaşmak üçin maglumatlar:

• salgysy: Aşgabat, T.Suhangulyýew köç. (ozalky Garantiýnaýa), 43-nji jaý;
• telefonlar: 76 04 11, (+993 62) 90 00 47.

Her gün sagat 8:00-dan 20:00-a çenli önümler bilen tanşyp we sargyt edip bilersiňiz.