Girmek
Käbir adamlara häzirki emodzileriň toplumy ýeterlik däl, ýagdaýy «The Unicode Consortium» täze smaýliklari döretmek bilen düzetdi diýip, «vfokuse.mail.ru» ýazýar.
Ýagny «The Unicode Consortium» emodzileriň täze 16.0 ülňüsini resmi tassyklady. Oňa golaý wagtda ýene sekiz smaýlik giriziler. Bu barada «Emojipedia» platformasynda habar berildi.
Ýagny golaý günlerde hemmeler üçin şu emodziler elýeterli bolar: gözüniň aşagy halka atan argyn ýüz; barmak yzy; mämişi syýa tegmil; rediskany ýa-da şugundyry ýatladýan miwe köki; ýapraksyz agaç; arfa; pil, Sark adasynyň baýdagy (La-Manşyň günorta-demirgazygyndaky Normand adalarynyň düzümine girýär).
Iri kompaniýalar täze emodzileri golaý günlerde ornaşdyryp bilerler. Smaýlikler öňdäki birnäçe aýyň dowamynda ýa-da 2025-nji ýylyň birinji ýarymynda peýda bolar diýlip garaşylýar.