2024-nji ýylyň 29-njy awgusty — 1-nji sentýabry aralygynda Moskwada lukmançylyk we saglygy goraýyş pudagynda gazanylan üstünlikleri açyp görkezýän «Здоровая страна» («Sagdyn ýurt») atly giň gerimli sergi geçirildi. Çärä gatnaşyjylaryň hatarynda Türkmenistanda ýörite egin-eşik brendleri bilen tanalýan «Ýörite geýimler dünýäsi» hususy kärhanasy hem önümlerini tanyşdyrdy.

Kärhana bu gözden geçirilişde lukmançylyk eşiklerine ýöriteleşen «Gandaş üniform» brendli önümlerini hödürledi. Bu ýere gelenler lukmançylyk geýimleriniň giň assortimenti, şol sanda dürli hapalanmalara durnukly bolan laýkradan bolan modelleri görüp bildiler. Şeýle-de lukmançylyk işgärleri üçin lukmançylyk halatlary, başgaplar, esbaplar we lukman hünärmenler üçin niýetlenen oňaýly aýakgaplar görkezildi.

«Gandaş üniform» geýimlerinden başga-da, «Ýörite geýimler dünýäsi» HK özüniň — «TELWAS» we «MedLine» ýaly beýleki brendleriniň önümlerini hem görkezdi. Kärhana şeýle hem tehnikler, aşpezler, ofisiantlar, garawullar hem-de awtoulag ýuwujylar üçin niýetlenen egin-eşikleri öndürýär.

Kärhananyň wekilleriniň belleýşi ýaly, «Ýörite geýimler dünýäsi» HK 12 ýyldan gowrak wagt bäri egin-eşik önümçilik bazarynda üstünlikli işläp gelýär. Bu geçen döwürde kärhanany gerimi giňeldi we häzirki wagtda onda 250-den gowrak adam zähmet çekýär.

Kärhananyň uly çärelerde we dürli edaralarda işlemekde hem uly tejribesi bar. Şeýlelik bilen, «Ýörite geýimler dünýäsi» kärhanasy 2017-nji ýylda geçirilen Ýapyk binalarda we söweş sungaty boýunça V Aziýa oýunlarynda işgärler düzüminiň egin-eşiklerini öndürdi. Kärhana «Awaza» milli syýahatçylyk zolagyndaky myhmanhanalaryň we dynç alyş ýerlerindäki öýleriň işgärlerini, şeýle hem «Rönesans Holding», «Gap Inşaat», «Täze Aý», «Arçalyk», «Ilk Inşaat» we «CNPC» ýaly iri kompaniýalaryň hünärmenlerini egin-eşikler bilen üpjün etdi. Mundan başga-da, kompaniýa Türkmenistanyň ähli ýerinde saglygy goraýyş edaralaryna lukmançylyk egin-eşiklerini ýetirýär.

Moskwadaky sergi bu kärhana üçin ilkinji halkara tejribe däldir. Mundan ozal hem «Ýörite geýimler dünýäsi» kärhanasy Özbegistanda we Abu-Dabide geçirilen sergilere gatnaşypdy.

2022-nji ýylda kompaniýany esaslandyryjynyň Türkmenistanda «Ýylyň telekeçisi» diýlip ykrar edilendigini-de bellemelidiris.

«Здоровая страна» sergisine gatnaşmak «Ýörite geýimler dünýäsi» kärhanasyna diňe bir önümlerini giň halkara tomaşaçylaryna görkezmek bilen çäklenmän, eýsem onuň professional egin-eşik bazaryndaky ornuny berkitmäge mümkinçilik berdi.

Kompaniýanyň önümleri bilen gyzyklanýanlar üçin dükanlar baradaky maglumatlar candashuniform.com.tm resmi web saýtynda elýeterlidir. Has giňişleýin maglumatlary kärhananyň sosial media ulgamyndaky sahypasyndan tapyp bilersiňiz.

Telefon belgileri: (+993 64) 00 30 02, (+993 63) 48 88 89. TikTok sahypasy.