Girmek
2024-nji ýylyň 1-nji martynda Türkmenistanyň Finlýandiýa Respublikasyndaky Ilçisi Ýa.Serýaýew (oturýan ýeri London ş.) Finlýandiýanyň täze saýlanan Prezidenti Aleksander Stubbyň inaugurasiýasyna gatnaşdy. Ýurduň Parlamentinde geçirilen çärede öňki prezident Sauli Niinistu we täze saýlanan döwlet baştutany Aleksander Stubb we Parlamentiň başlygy Ýussi Halla-aho çykyş etdiler. Bu barada Türkmenistanyň DIM-niň resmi saýtynda habar berildi.
Habarda bellenilişi ýaly, inaugurasiýa tamamlanandan soňra Prezident köşgünde öňki we täze prezidentler Finlýandiýada akkreditirlenen ilçiler bilen duşuşdylar.Munuň çäklerinde, Türkmenistanyň ilçisi Finlýandiýanyň prezidenti Aleksandеr Stubby Türkmenistanyň Prezidentiniň adyndan gutlady we iň gowy arzuwlary ýetirdi. Gutlag we arzuwlar minnetdarlyk bilen kabul edildi.
Türkmenistanyň ilçisi Finlýandiýa Respublikasynyň daşary işler ministri Elina Waltoneniň diplomatik korpusy üçin guralan ýurduň daşary we howpsuzlyk syýasatlary boýunça geçirilen brifingine gatnaşdy diýlip, habarda bellenilýär.