Girmek
Türkmenistanyň Daşary işler ministrliginiň Halkara gatnaşyklary instituty ýurduň mekdep okuwçylarynyň arasynda daşky gurşawyň üýtgemegi bilen bagly temada «Tebigat gözelligi — 2030» atly surat çekmek bäsleşigini yglan edýär.
Mekdep okuwçylary özleriniň A4/A3 formatly kagyz ýüzüne çeken surat işlerini 1-nji noýabrda çenli Aşgabat şäheriniň Galkynyş köçesiniň 25-nji jaýynda ýerleşýän Halkara gatnaşyklary istitutyna tabşyrmalydyr. Suratyň arka ýüzünde awtoryň ady, familiýasy, okaýan mekdebiniň salgysy, synpy we telefon belgileri görkezilmelidir.
Bellenişi ýaly, häzirki wagtda BMG-niň Türkmenistandaky Hemişelik wekilhanasy Beýik Britaniýanyň we Birleşen Arap Emirlikleriniň ilçihanalary bilen bilelikde ýurduň sebitlerinde howanyň üýtgemegi bilen bagly maslahatlary guraýar. 3-nji noýabrda Aşgabatdaky «Arçabil» myhmanhanasynda bu çäreleriň jemleýji maslahaty guralar.
Bäsleşikde ýeňiji bolanlar maslahata gatnaşyp, ýadygärlik sowgatlaryna eýe bolarlar. Bu barada Orient ýazýar.