Girmek
Türkmenistan Saglygy goraýyş we derman senagaty ministrliginiň 2023-nji ýylyň 25-nji iýulyndaky 358 belgili buýrugyna laýyklykda, saglygy goraýyş edarasynda çaga doglanda onuň ejesiniň pasporty (ýa-da onuň ornuny tutýan resminamasy) bolmadyk ýagdaýynda, çaganyň ejesi barada maglumatlaryň onuň sözünden ýazylandygy hakynda ykrarnamanyň görnüşi tassyklanyldy.
Ykrarnama şu aşakdaky maglumatlary öz içine alýar:
- Çaganyň ejesiniň familiýasy, ady we atasynyň ady;
- Çaganyň ejesiniň doglan senesi, raýatlygy;
- Çaganyň ejesiniň doglan ýeri;
- Çaganyň ejesiniň işleýän ýeri;
- Çaganyň ejesiniň ýaşaýan ýeri we goly;
- Çaganyň kakasynyň ady we goly;
- Çaganyň jynsy we doglan senesi;
- Bejeriji lukmanyň maglumatlary;
- Çaga doglanda gatnaşan üç lukmanyň maglumatlary;
- Bölüm müdiriniň maglumatlary;
- Saglygy goraýyş edarasynyň ýolbaşçysynyň maglumatlary we goly;
- Möhür.
Tassyklanan ykrarnamanyň görnüşi bilen minjust.gov.tm web sahypasynda tanşyp bilersiňiz.