Girmek
Mahaçkalanyň «Dinamo» futbol topary Russiýanyň çempionatynyň Birinji ligasynyň üçünji tapgyrynda Krasnodaryň «Kubanyndan» 2:0 hasabynda üstün çykdy. Duşuşyk ýekşenbe güni Mahaçkala şäherinde geçirildi.
Duşuşykda «Dinamonyň» gollaryny 43-nji minutda Magomedow, 71-nji minutda bolsa Gluşakow geçirdi.
Şeýlelikde, «Dinamo» 9-njy iýuldan bäri baş tälimçi bolup işläp gelýän Gurban Berdiýewiň ýolbaşçylygynda resmi duşuşyklardaky ilkinji ýeňşini gazandy. Topar ozalky iki tapgyrda Moskwanyň «Torpedosyndan» ýeňlip (0:2), Tulanyň «Arsenaly» bilen deňme-deň (0:0) oýnapdy.
«Dinamo» indiki duşuşygyny 6-njy awgust güni öz meýdanynda «KAMAZ» bilen geçirer.