«Iş Nokady» kompaniýasy «MiniBoss» we «BigBoss» halkara işewürlik mekdepleriniň wekili hökmünde çagalary we olaryň ene-atalaryny Beýik Britaniýada ýaş telekeçiler üçin tomusky işewürlik dynç alyş merkezine gatnaşmaga çagyrýar.

Tomusky dynç alyş merkeziniň maksatnamasy örän baý bolar hem-de diňe bir amaly we nazary sapaklary däl, eýsem, dil gurşawyna doly aralaşmagy, şeýle hem gyzykly ýerlere we wajyp nokatlara syýahaty öz içine alar.

Dynç alyş 2023-nji ýylyň 9 – 16-njy iýuly aralygynda bir hepde dowam eder. Çäreleriň maksatnamasy şulary öz içine alar:

• gündelik iňlis dilinde tejribe (praktikum);
• «MiniBoss» we «BigBoss» programmalaryndan gönükmeler we işewürlik oýunlary;
• sport oýunlary (futbol, tennis, kriket);
• Londona we Oksforda gezelenç, şeýle hem Garri Potter muzeýine syýahat;
• çeper we döredijilikli ussatlyk sapaklary;
• howuzda ýüzmek;
• ene-atalar üçin tälim bermek maksatnamasy;
• maşgala toparyny gurmak (timbilding);
• emosional intellektiň ösmegi üçin gönükmeler.

Bulardan başga-da, «MiniBoss» we «BigBoss» dynç alyş merkezine gatnaşyjylar dünýäniň dürli künjeklerinden – Beýik Britaniýadan, ABŞ-den, Awstraliýadan, Ýewropa we GDA ýurtlaryndan dost tapynmaga mümkinçilik alarlar.

Dynç alyş merkezine kabul edişlik iki ýaş topary boýunça geçirilýär:

• «MiniBoss – 6-9 ýaş, 10-12 ýaş, 13-17 ýaş;
• «BigBoss – 18-20 ýaş.

«MiniBoss & BigBoss» tomusky dynç alyş merkezine ýazylmak ýa-da has giňişleýin maglumat almak üçin şu salgydaky maglumatnamany doldurmak ýa-da (+993 12) 46 81 65 telefon belgisine jaň etmek maslahat berilýär.