Girmek
Özbegistanyň futbol boýunça milli ýygyndysy ýakyn günlerde Boliwiýanyň we Wenesuelanyň ýygyndylary bilen ýoldaşlyk duşuşyklaryny geçirer. Bu barada goňşy döwletiň Futbol assosiasiýasy habar berdi.
Sreçko Katanesiň şägirtleri 24-nji mart güni Saud Arabystanynda Boliwiýanyň ýygyndysy, 28-nji martda ýene şol ýerde Wenesuelanyň ýygyndysy bilen duşuşar.
Duşuşyklaryň ikisi hem Aşgabat wagty bilen agşam sagat 23-de başlanar.
FIFA-nyň reýtinginde Özbegistan 77-nji, Boliwiýa 88-nji, Wenesuela bolsa 55-nji orny eýeleýär.