Girmek
Aziýanyň Futbol konfederasiýasy şu ýyl Birleşen Arap Emirliklerinde geçirilmegi meýilleşdirilen futzal boýunça Aziýanyň klublaýyn çempionatynyň ýatyrylandygyny habar berdi.
Taraplar ýaryşy ýatyrmak kararyna geldiler diýip, AFK-nyň resmi saýty ýazýar.
Edil şu ýaryş 2020-nji we 2021-nji ýyllarda hem ýatyrylypdy.
Aslynda, bu ýaryş Aziýanyň iň güýçli futzal klublarynyň arasynda her ýyl geçirilýärdi. AFK ýaryşy 2010-njy ýylda geçirip başlady. Oňa AFK-nyň reýtinginde ilkinji 16 orny eýeleýän döwletleriň çempionlary gatnaşýar.
Eger ýaryş geçirilen bolsa, oňa Türkmenistandan geçen möwsümiň çempiony «Deňizçi» futzal topary wekilçilik etmelidi.