Girmek
Aziýanyň Futbol konfederasiýasy şu gün resmi saýtynda milli ýygyndylaryň arasynda Dünýä çempionaty ― 2022-niň we Aziýa kubogy ― 2023-iň saýlama tapgyrynyň çäginde oktýabr we noýabr aýlarynda geçirilmegi meýilleşdirilen duşuşyklaryň 2021-nji ýyla süýşürilendigini habar berdi.
Köp ýurtlarda koronowirus bilen bagly ýagdaýlary göz öňünde tutup, iki halkara ýaryşyň guramaçylyk toparynyň bu karara bilelikde gelendigi aýdylýar. AFK milli ýygyndylaryň arasynda 2021-nji ýylda geçiriljek duşuşyklaryň anyk seneleri barada ýakyn günlerde habar bermekçi.
Mälim bolşy ýaly, Türkmenistanyň futbol ýygyndysy Aziýa boýunça saýlama ýaryşlaryň «H» toparçasyna wekilçilik edýär.