Girmek
32 ýaşly FIFA-nyň emini Saud Ali Al-Abdanyň ýolbaşlygyndaky katarly eminler topary “Altyn Asyryň” AFK-nyň Kubogynyň toparçalaýyn bäsleşigindäki birinji duşuşygynda eminlik ederler. Bişkekde “Altyn Asyr” bilen ýerli “Dordoýyň” arasyndaky duşuşykda Al-Abda ildeşleri Mohammad Jaber bilen Ýusuf Al-Şamari kömek ederler.
Ätiýaçdaky eminiň wezipesini özbegistanly Şerzod Kasimow ýerine ýetirer. Duşuşygyň gözegçi emini M.Sadek (Pakistan), komissary Huang Song (Hytaý) bolar.
Paýtagtymyzyň “Altyn Asyry” AFK-nyň Kubogynyň toparçalaýyn bäsleşiginiň birinji duşuşygynda 3-nji aprelde Bişkekde “Dordoý” bilen güýç synanyşar. “Dolen Omurzakowyň” adyny göterýän stadionda geçiriljek duşuşyk Aşgabat wagty bilen 19:00-da başlanar.