Ozal habar berşimiz ýaly, «Turkmenportal» ýurduň belli artistleri Hojadurdy Ýegendurdyýew bilen Aşyrmyrat Gurbanowyň, ýagny Hoja Hojaýew bilen Aşyr dädäniň başdangeçirmelerini gürrüň berýän gysga göwrümli degişme sahnalaryny taýýarlaýar.
Habarlar portalynyň «Mediýa» bölüminde gysga göwrümli degişme sahnalaryny nobatdaky bölümi ýerleşdirildi. «Ýüzüň gülkünç» ady bilen her hepdäniň dynç güni hödürlenýän degişme sahnalarynyň bu bölümi «Aşhojahyzmat» diýlip atlandyryldy. Bu bölümde ussat wäşileriň ýerine ýetirýän keşpleri gülki paýlamak bilen birlikde, her bir ýagdaýdan ugurtapyjylygy görkezýär. Ikinji bölümi şu baglanyşyk arkaly görüp bilersiňiz.
«Turkmenportal» tarapyndan hödürlenen görkezilişiň birinji bölümi 2023-nji ýylyň 31-nji dekabrynda agşam tomaşaçylara ýetirildi we oňa üç günde 15 müňden gowrak tomaşa edildi.
Gysga göwrümli degişme sahnalary, şeýle hem dürli mazmunly gepleşikler bilen habarlar portalynyň «Mediýa» bölüminde tanşyp bilersiňiz.
