Girmek
Şu ýyl Russiýa Federasiýasynyň Perm sebitinden Türkmenistana, Gazagystana, Belarusa we Russiýanyň beýleki sebitlerine 110 müňden gowrak Täze ýyl arçasy eksport edildi. Bu barada «Rosselhoznadzor»-yň resmi web sahypasynda habar berildi.
Şeýle hem habarda 2022-nji ýylyň dekabrynda «Rosselhoznadzor»-yň Kirow sebiti, Udmurt respublikasy we Perm sebiti boýunça Müdirlikleri tarapyndan Perm sebitinden Täze ýyl arçalarynyň 3400 sanysynyň Belarus Respublikasyna we 4350 sanysynyň Gazagystan Respublikasyna iberilmegine gözegçilik edilendigi aýdylýar.
Önümler «Rosselhoznadzor»-a tabyn bolan «VNIIKR» Federal Döwlet Býudjet Institutynyň Perm bölüminde laboratoriýa gözegçiliginden üstünlikli geçdi. Ygtybarly önümleriň eýelerine 14 sany fitosanitar şahadatnamasy berildi.
Ozal Türkmenistana Perm sebitinden ilkinji 3600 sany Täze ýyl arçasynyň iberilendigini habar beripdik.