Girmek
Birleşen Milletler Guramasynyň (BMG) Aşgabat şäherindäki edara binasynda BMG-niň Ýewropa ykdysady komissiýasynyň bilermenleriniň gatnaşmagynda «Türkmenistanda Suw üpjünçiligi, arassaçylyk, gigiýena we saglygy goraýyş barada başlangyç maglumatlaryň seljermesi» atly taslamasyny ara alyp maslahatlaşmak maksady bilen söhbetdeşlik görnüşde okuw sapagy geçirildi. Bu barada Türkmenistanyň Daşky gurşawy goramak ministrliginiň resmi saýtynda habar berildi.
Okuw sapagyna Türkmenistanyň ähli ministrliklerinden we pudak edaralaryndan hünärmenler gatnaşdylar. Ýokarda agzalan taslama BMG-niň Ýewropa ykdysady komissiýasynyň suw we saglygyň meseleleri boýunça Protokolyň çäklerinde işlenilip taýýarlanylýar. Okuw sapagynyň gün tertibine laýyklykda, gatnaşyjylar iki topara bölünip, her topara suw meseleler barada ýumuş tabşyryldy. Gatnaşyjylar berlen ýumuşlary höwes bilen ýerine ýetirdiler.