Girmek
Türkmen türgeni Baýramdurdy Nurmuhammedow Dubaýda tamamlanan boks boýunça dünýä çempionatynda bürünç medala mynasyp boldy. 71 kilograma çenli agram derejesinde çykyş eden türkmen türgeni ýarym finalda russiýaly Sergeý Koldenkowdan ýeňildi.
Bu agram derejesiniň final duşuşygynda Koldenkow Gazagystanyň boksçysy Ablaýhan Žusupowdan ýeňildi.
Bütindünýä boks assosiasiýasynyň (IBA) guramagynda geçirilen ýaryşyň baýrak gaznasy 8,32 million dollara deň boldy. Her agram derejesiniň ýeňijileri 300 müň dollar, kümüş medalyň eýeleri 150 müň dollar, bürünç medala mynasyp bolanlar 75 müň dollar baýrak aldylar.
Turkmenportal saýty Nurmuhammedowyň dünýä çempionatyndaky çykyşynyň iň gowy pursatlaryndan wideoýazgy taýýarlady. Ony şu görkezilen salgy boýunça görüp bolýar.