Her ýylyň 14-nji dekabrynda Türk­me­nis­ta­nda Ne­bit­gaz se­na­ga­ty we geo­lo­gi­ýa iş­gär­le­ri­niň güni dabaraly bellenilip geçilýär. Bu sene mynasybetli Türkmenistanyň Prezidenti Serdar Berdimuhamedow ýurduň zähmetkeş nebitçilerine, gazçylaryna hem-de geologlaryna Gutlag hatyny iberdi. Gutlag «Türkmenistan» gazetinde çap edildi.

Türkmenistanyň Prezidentiniň Gutlagynda şeýle diýilýär:

«Hor­mat­ly ne­bit­çi­ler, gaz­çy­lar we geo­log­lar!

Si­zi Ga­raş­syz, he­mi­şe­lik Bi­ta­rap Wa­ta­ny­myz­da giň­den bel­le­nil­ýän Ne­bit­gaz se­na­ga­ty we geo­lo­gi­ýa iş­gär­le­ri­niň gü­ni bi­len tüýs ýü­rek­den gut­la­ýa­ryn.

Si­ziň yh­las­ly we tu­tan­ýer­li zäh­me­ti­ňi­ziň ne­ti­je­sin­de yk­dy­sa­dy­ýe­ti­mi­ziň ne­bit­gaz pu­da­gyn­da uly üs­tün­lik­ler ga­za­nyl­ýar. Pu­dak­da al­nyp ba­ryl­ýan top­lum­la­ýyn iş­ler ýur­du­my­za ug­le­wo­do­rod se­riş­de­le­ri­niň gor­la­ry bo­ýun­ça dün­ýä­niň öň­de­ba­ry­jy döw­let­le­ri­niň ha­ta­ryn­da­ky or­nu­ny ber­kit­mä­ge ýar­dam ed­ýär. Biz bu ugur­da hal­ka­ra de­re­je­li iri tas­la­ma­la­ra ba­dal­ga ber­mek bi­len, ug­le­wo­do­rod se­riş­de­le­ri­niň, il­kin­ji no­bat­da, hal­ky­my­zyň eş­ret­li dur­mu­şy­na, gel­jek ne­sil­le­ri­mi­ziň hem-de goň­şy döw­let­le­riň halk­la­ry­nyň aba­dan­çy­ly­gy­na hyz­mat et­me­gi­ni ga­zan­mak ug­run­da mö­hüm we­zi­pe­le­ri öň­de goý­ýa­rys.

Türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gah­ry­man Ar­ka­da­gy­my­zyň ta­gal­la­la­ry esa­syn­da 2009-njy ýy­lyň 14-nji de­kab­ryn­da Türk­me­nis­tan — Hy­taý hal­ka­ra gaz ge­çi­ri­ji­si işe gi­ri­zil­di. Ta­ry­hyň sa­hy­pa­la­ry­na al­tyn harp­lar bi­len ýa­zy­lan şol se­nä­niň ýur­du­myz­da Ne­bit­gaz se­na­ga­ty we geo­lo­gi­ýa iş­gär­le­ri­niň gü­ni hök­mün­de bel­le­nil­me­gi öz­bo­luş­ly ma­ny-maz­mu­na eýe bol­dy. Ber­ka­rar Wa­ta­ny­my­zy äh­li ugur­lar bo­ýun­ça saz­la­şyk­ly ös­dür­mek bi­len bag­ly ka­bul edi­len mil­li we döw­let mak­sat­na­ma­la­ry­my­za la­ýyk­lyk­da, Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de iri se­na­gat top­lum­la­ry­ny, gaz ge­çi­ri­ji ul­gam­la­ry dö­ret­mek, gel­je­gi uly ne­bit­gaz ýa­tak­la­ry­ny öz­leş­dir­mek ba­bat­da öň­de goý­lan sep­git­le­re ýet­mek üçin giň ge­rim­li iş­ler al­nyp ba­ryl­ýar.

Eziz Di­ýa­ry­my­zyň dür­li kün­jek­le­rin­de tä­ze ne­bit­li we gaz­ly ýa­tak­la­ryň açyl­ma­gy­ny, Türk­me­nis­tan — Hy­taý, Gün­do­gar — Gün­ba­tar gaz ge­çi­ri­ji­le­ri­ni, gur­lu­şy­gy al­nyp ba­ryl­ýan Türk­me­nis­tan — Ow­ga­nys­tan — Pa­kis­tan — Hin­dis­tan hal­ka­ra gaz ge­çi­ri­ji­si­niň tas­la­ma­sy­ny pu­dak­da ga­za­ny­lan üs­tün­lik­le­riň ha­ta­ryn­da gör­kez­mek bo­lar. Hal­ka­ra pa­ra­hat­çy­lyk we yna­nyş­mak ýy­lyn­da türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gah­ry­man Ar­ka­da­gy­my­zyň bu tas­la­ma­nyň mö­hüm bö­le­gi­niň — Ar­ka­da­gyň ak ýo­ly bi­len Ser­he­ta­bat — Hy­rat gaz ge­çi­ri­ji­si­niň gur­lu­şy­gy­na ak pa­ta ber­me­gi ýurt­la­ry­my­zyň uzak möh­let­le­ýin ösü­şi­ne kuw­wat­ly iter­gi ber­mä­ge hem-de se­bit­de dur­nuk­ly ösü­şi üp­jün et­mä­ge yg­rar­ly­dy­gy­my­zyň no­bat­da­ky my­sa­ly­na öw­rül­di.

Ga­dyr­ly ne­bit­çi­ler, gaz­çy­lar we geo­log­lar!

Türk­men geo­log­la­ry­nyň yh­las­ly göz­leg­le­ri­niň ne­ti­je­sin­de ýü­ze çy­ka­ry­lan, ýan­gyç se­riş­de­le­ri­niň gor­la­ry bo­ýun­ça dün­ýä­de öň­dä­ki orun­la­ryň bi­ri­ni eýe­le­ýän «Gal­ky­nyş» gaz kä­ni­niň ýur­du­myz hem-de se­bit üçin örän uly yk­dy­sa­dy äh­mi­ýe­ti bar. Bu kä­niň tap­gyr­la­ýyn öz­leş­di­ril­me­gi türk­men te­bi­gy ga­zy­ny hal­ka­ra ba­zar­la­ra iber­me­giň ge­ri­mi­ni gi­ňelt­mek­de tä­ze müm­kin­çi­lik­le­ri aç­ýar. Hä­zir­ki dö­wür­de türk­men ener­gi­ýa se­riş­de­le­ri­ne is­leg bil­dir­ýän ýurt­la­ryň sa­ny bar­ha art­ýar. Dün­ýä bel­li kom­pa­ni­ýa­lar we hal­ka­ra ma­li­ýe dü­züm­le­ri ta­ra­pyn­dan bu ugur­da ýur­du­myz bi­len hyz­mat­daş­ly­gy ýo­la goý­ma­ga, ma­ýa go­ýum­la­ry gö­nük­dir­mä­ge uly gy­zyk­lan­ma bil­di­ril­ýär. Ha­zar deň­zi­niň türk­men bö­le­gin­de ýer­leş­ýän, yg­ty­ýar­lan­dy­ry­lan de­ňiz top­lum­la­ry­ny ne­ti­je­li öz­leş­dir­mek ba­bat­da amat­ly ma­ýa go­ýum gur­şa­wy­nyň dö­re­dil­me­gi hem özü­ne çe­ki­ji­li­gi bi­len ta­pa­wut­lan­ýar.

«Türk­me­nis­ta­nyň Pre­zi­den­ti­niň ýur­du­my­zy 2022 — 2028-nji ýyl­lar­da dur­muş-yk­dy­sa­dy taý­dan ös­dür­me­giň Mak­sat­na­ma­sy­na», «Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022 — 2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li mak­sat­na­ma­sy­na» la­ýyk­lyk­da, ýur­du­my­zyň ne­bit­gaz se­na­ga­tyn­da önüm­çi­li­giň de­re­je­si­ni has-da ýo­kar­lan­dyr­ma­ga gö­nük­di­ri­len top­lum­la­ýyn çä­re­le­ri ama­la aşyr­mak göz öňün­de tu­tul­ýar. Te­bi­gy se­riş­de­le­re örän baý Di­ýa­ry­myz­da ne­bit­gaz­ly ýa­tak­la­ryň üs­tün­lik­li öz­leş­di­ril­me­gi bu ugur­da­ky iş­le­riň ýo­ka­ry dep­gin­de al­nyp ba­ryl­ýan­dy­gy­ny gör­kez­ýär. Ne­bit­gaz ýa­tak­la­ry öz­leş­di­ri­len­de, ug­le­wo­do­rod se­riş­de­le­ri çy­ka­ry­lan­da, gaý­ta­dan iş­le­ni­len­de hem-de sarp edi­ji­le­re ibe­ri­len­de daş­ky gur­şa­wy aýaw­ly sak­la­ma­gyň ta­lap­la­ry­ny ber­jaý et­mek, şol iş­le­ri ýo­ka­ry eko­lo­gik ka­da­la­ra la­ýyk­lyk­da ama­la aşyr­mak, şeý­le-de ola­ryň ho­wa­nyň üýt­ge­me­gi­ne tä­si­ri­ni pe­selt­mek öň­de dur­ýan mö­hüm we­zi­pe­ler­dir. Ne­bit­gaz pu­da­gy­nyň we geo­lo­gi­ýa iş­gär­le­ri­niň öň­de­ba­ry­jy dün­ýä tej­ri­be­si­ni öz­leş­di­rip, Türk­me­nis­ta­nyň bu ugur­da­ky borç­na­ma­la­ry­ny ýe­ri­ne ýe­tir­mä­ge mun­dan beý­läk-de my­na­syp go­şant goş­jak­dyk­la­ry­na berk ynan­ýa­ryn.

Hor­mat­ly ne­bit­gaz se­na­ga­ty we geo­lo­gi­ýa pu­da­gy­nyň iş­gär­le­ri!

Ga­raş­syz, he­mi­şe­lik Bi­ta­rap Türk­me­nis­tan öz te­bi­gy baý­lyk­la­ry­ny di­ňe bir mil­li bäh­bit­le­re däl, eý­sem, se­bit we dün­ýä halk­la­ry­nyň aba­dan dur­mu­şy­ny üp­jün et­mä­ge hem gö­nük­dir­mä­ge ça­lyş­ýar. Şo­ňa gö­rä-de, pu­da­gyň eks­port müm­kin­çi­lik­le­ri­ni di­wer­si­fi­ka­si­ýa ýo­ly bi­len ös­dür­mek, kö­pu­gur­ly tur­ba ge­çi­ri­ji­ler ul­ga­my­ny dö­ret­mek döw­le­ti­mi­ziň ener­ge­ti­ka sy­ýa­sa­ty­nyň ile­ri tu­tul­ýan ugur­la­ry­nyň bi­ri­dir. Bi­ziň dur­mu­şa ge­çir­ýän bu iş­le­ri­miz ener­ge­ti­ka howp­suz­ly­gy­ny üp­jün et­mä­ge, se­bi­tiň ýurt­la­ry­nyň aba­dan­çy­ly­gy­na, yk­dy­sa­dy taý­dan dur­nuk­ly gur­şa­wy eme­le ge­tir­mä­ge gö­nük­di­ri­len­dir. Biz bu ugur­da alyp bar­ýan iş­le­ri­mi­zi gel­jek­de hem do­wam et­di­re­ris.

Hor­mat­ly ne­bit­çi­ler, gaz­çy­lar we geo­log­lar!

Si­zi hü­när baý­ra­my­ňyz bi­len ýe­ne-de bir ge­zek tüýs ýü­rek­den gut­la­ýa­ryn. Si­ziň äh­li­ňi­ze berk jan sag­lyk, maş­ga­la aba­dan­çy­ly­gy­ny, alyp bar­ýan iş­le­ri­ňiz­de uly üs­tün­lik­le­ri ar­zuw ed­ýä­rin».