Girmek
Ermenistan Türkmenistanyň halkara parahatçylygy we howpsuzlygyny üpjün etmekdäki goşandyna ýokary baha berýär we BMG-däki başlangyçlaryny goldaýar. Bu barada Ermenistan Respublikasynyň Prezidenti Waagn Haçaturýan Türkmenistanyň hemişelik Bitaraplygynyň 30 ýyllygy mynasybetli Aşgabatda geçirilen forumda eden çykyşynda belledi.
«Hemişelik Bitaraplyk sebitde parahatçylygyň we durnuklylygyň möhüm şerti hökmünde öz ähmiýetini subut etdi. Biz ynanyşmagy berkitmek we dialogy öňe sürmek arkaly halkara parahatçylygy we howpsuzlygy üpjün etmekde Türkmenistanyň goşandyna ýokary baha berýäris. Ermenistan BMG-de Türkmenistanyň bu ugurdaky başlangyçlaryny hemişe goldap gelýär» diýip, W.Haçaturýan belledi.