Girmek
Türkmenistanyň Katar Döwletindäki ilçisi Myratgeldi Seýitmämmedow Kataryň Daşary işler ministrliginiň Diplomatiýa institutynyň direktory Abdulaziz bin Muhammed Al-Horr bilen duşuşdy. Bu barada Kataryň daşary syýasat edarsy habar berýär.
Duşuşygyň başynda ilçi 2025-nji ýylyň Türkmenistanda «Halkara parahatçylyk we ynanyşmak ýyly» diýlip yglan edilendigini belledi. Şeýle-de şu ýyl Türkmenistanyň hemişelik Bitaraplygynyň 30 ýyllygy mynasybetli geçiriljek çäreler bilen tanyşdyrdy.
Duşuşykda Türkmenistanyň Daşary işler ministrliginiň Halkara gatnaşyklar instituty bilen Katar Döwletiniň Daşary işler ministrliginiň Diplomatiýa institutynyň arasyndaky ikitaraplaýyn ylalaşyk boýunça alnyp barylýan işler ara alnyp maslahatlaşyldy.