Girmek
Serbiýanyň paýtagty Belgradda 2025-nji ýylyň 1-nji ýanwaryndan jemgyýetçilik ulaglarynda töleg ýatyryldy, netijede, şäher Ýewropada ilkinji mugt jemgyýetçilik ulagly iri merkez boldy diýip, «rg.ru» habar berdi.
Şäheriň häkimi Aleksandr Şapiçiň sözlerine görä, Belgrad Ýewropada ilaty 500 müňden geçýän mugt jemgyýetçilik ulagly ýeke-täk şäher boldy. Ol şeýle-de golaý üç ýylda şäher ulag parkynyň tutuşlygyna täzelenjekdigini habar berdi.
Tölegleriň ýatyrylmagy ilkinji nobatda köçelerde dyknyşyklaryň öňüni almak we howanyň hapalanmagyna garşy göreşmek maksatlary bilen kabul edildi. Belgradyň häkimligi şeýle etmek bilen, raýatlary jemgyýetçilik ulagyndan has köp peýdalanmaga çekmekçi hem-de şäheriň merkezine öz ulaglary bilen gitmezligini gazanmakçy bolýarlar.