Girmek
Türkmen döwlet bedenterbiýe we sport institutynda 2024-nji ýylyň jemlerine bagyşlanyp dabaraly maslahat geçirildi.
Türkmenistanyň Bilim ministirliginiň resmi saýtynda berilýän habara görä, 2024-nji ýylyň dowamynda institutyň talyp türgenleri halkara ýaryşlaryň 41-sine gatnaşyp, 49 altyn, 35 kümüş, 43 bürünç, jemi 127 sany medallary, ýurtda geçirilen 151 sany sport ýaryşlarynda 855 sany medallary gazanmagy başardylar.
Ýokary okuw mekdebinde 52 sany ýurt derejesindäki sport ýaryşlary geçirilip, olarda zehinli türgenleri saýlap-seçip almaga aýratyn ähmiýet berildi.
Ozal habar berşimiz ýaly, 18-nji dekabrda Gazagystan Respublikasynyň Almaty şäheriniň Gazak sport we syýahatçylyk akademiýasynda Bedenterbiýe we sport uniwersitetleriniň halkara birleşiginiň nobatdaky mejlisinde Türkmen döwlet bedenterbiýe we sport instituty abraýly halkara birleşigiň agzalygyna resmi taýdan kabul edildi.