Girmek
Şu ýylyň 11 aýynda 30 müňe golaý türkmenistanly Azerbaýjana syýahat etdi. Şeýlelikde, Türkmenistan bu ýurda syýahat etmäge baran raýatlarynyň sany boýunça öňdäki orunlaryň birini eýeledi.
«Report» neşiriniň habar bermegine görä, hasabat döwründe 29,9 müň türkmenistanly jahankeşde Azerbaýjana syýahat edipdir. Bu görkeziji geçen ýylyň degişli döwri bilen deňeşdirilende, 28 göterim ýokarydyr. Şeýlelikde, Türkmenistan Azerbaýjana syýahat eden raýatlarynyň sany boýunça 14-nji orny eýeledi.
Azerbaýjanyň Syýahatçylyk agentliginiň maglumatlary boýunça 2024-nji ýylyň ýanwar — noýabr aýlarynda ýurda iň köp syýahatçy Russiýadan (679 müň), Türkiýeden (389 müň) hem-de Hindistandan (214 müň) gelipdir. Şeýle-de ilkinji bäşlikde Eýranyň (99 müň) we Gruziýanyň (93 müň) hem ady bar.
Umumylykda alnanda 11 aýda Azerbaýjana syýahat eden daşary ýurtlularyň sany 2 million 412,1 müňe deň bolup, bu görkeziji geçen ýylyň degişli döwründäkiden 27 göterim köpdür.