«Ýörite geýimler dünýäsi» hususy kärhanasy özbaşdak sargyt esasynda myhmanhanalaryň, restoranlaryň we kafeleriň işgärleri (HoReCa) üçin niýetlenen «Gandash Uniform» ýörite iş geýimlerini tikip bermek hyzmatlaryny hödürleýär.

Kärhananyň önümçilik gory kesgitlenen standartlara we düzgünlere doly laýyk gelýän geýimleri döretmäge mümkinçilik berýän häzirki zaman enjamlary bilen enjamlaşdyrylandyr. Bu ýerde köp derejeli hil gözegçilik ulgamyna aýratyn ähmiýet berilýär.

«Ýörite geýimler dünýäsiniň» tapawutly aýratynlygy her sargyda özbaşdak çemeleşmegidir. Kompaniýa müşderileriň ähli talaplaryny, şol sanda korporatiw stil aýratynlyklaryny göz öňünde tutýar we ýokary hilli matalaryň köpdürli görnüşlerini hödürleýär. Önümçilikde diňe bir geýen mahalyň rahatlygy däl-de, eýsem önümleriň uzak möhlete hyzmat etmegini üpjün edýän tebigy komponentleriň (ýüň, pagta) we häzirki zaman sintetiki goşundylaryň optimal utgaşdyrylmasy bolan materiallar ulanylýar.

«Biziň öndürýän geýimlerimiz HoReCa pudagynyň iş aýratynlyklaryna görä, yzygiderli ulanmak we ýygy-ýygydan ýuwmak ýaly ýagdaýlary göz öňünde tutup döredilýär. Bu babatda ýörite materiallar tiz hapalanmagyň öňüni alýar we önümleriň hyzmat ediş möhletini ep-esli uzaldýar, geýimleriň keşbi hem ilkibaşdaky halynda saklanýar» diýip kärhananyň wekili gürrüň berýär.

Ýörite geýimi sargyt etmek we hyzmatlar barada goşmaça maglumat almak üçin telefon belgileri: (+993 64) 003 002, (+993 61) 555 522.

Habarlaşmak üçin:

• web saýty: candashuniform.com.tm;
• sosial media ulgamyndaky sahypasy.

Dükanlaryň salgylaryny şu salgylanmadan görüp bilersiňiz.