Girmek
2024-nji ýylyň birinji ýarymynda Türkmenistan bilen BAE-niň arasyndaky söwda dolanşygy 2023-nji ýyl bilen deňeşdirilende 5,9% ýokarlandy. 2023-nji ýylda söwdanyň mukdary takmynan 1 milliard 300 million dollara barabar boldy. Geljek ýyllarda bu görkezijini iki esse artdyrmak maksat edinilýär. Bu «Newscentralasia» tarapyndan habar berildi.
Habarda bellenilişi ýaly, häzirki wagtda BAE Türkmenistanyň dördünji söwda hyzmatdaşydyr. Bu barada Birleşen Arap Emirlikleriniň Türkmenistandaky ilçisi Ahmed Alhaý Al-Hameli BAE-niň 53-nji Milli güni mynasybetli Aşgabatda guralan dabarada belledi. Dabara Türkmenistanyň daşary işler ministri Raşid Meredow hem gatnaşdy.
«BAE bilen Türkmenistanyň arasyndaky gatnaşyklaryň elmydama iki ýurduň ýolbaşçylygy derejesinde ajaýyp netijeler we işjeňlik bilen tapawutlanýandygyny bellemek isleýärin» diýip, ilçi öz çykyşynda belledi.
Şeýle hem ilçi BAE bilen Türkmenistanyň arasynda alnyp barylýan işler we köptaraplaýyn hyzmatdaşlyk barada giňişleýin maglumat berdi diýlip, habarda bellenilýär.