Girmek
Russiýa Federasiýasynyň Prezidenti Wladimir Putin 27-28-nji noýabrda döwlet sapary bilen Gazagystana barar. Bu barada Kremliň metbugat gullugyna salgylanýan «INTERFAX.RU» habar berýär.
Saparyň dowamynda Putin bilen Kasym-Žomart Tokaýewiň arasynda gepleşikler bolar. Onuň jemleri boýunça döwlet Baştutanlarynyň bilelikdäki Beýannamasyna gol çekiler. Şeýle-de hökümetara, edaralaryň arasynda we işewürlik resminamalaryna gol çekiler diýlip, habarda aýdylýar.
Iki ýurduň Prezidentleri Ufa şäherinde geçjek Russiýa bilen Gazagystanyň sebitara hyzmatdaşlyk boýunça ХХ forumynyň plenar ýygnagyna gatnaşyjylara wideoaragatnaşyk arkaly ýüzlenme bilen çykyş ederler.