Türkmenistanyň öňdebaryjy IT kompaniýalarynyň biri bolan «Jan Tehnologiýa» 14 — 16-njy noýabr aralygynda Aşgabatda geçiriljek «Türkmentel-2024» XVII halkara sergisine we ylmy maslahata gatnaşar.

Öňdebaryjy tehnologiki çözgütleri durmuşa geçirýändigi bilen giňden tanalýan kompaniýa sergide häzirki zaman sanly önümleriň tutuş toplumyny hödürlär:

Belet BOX — telewizoryňyzy «akylly» dynç alyş merkezine öwürýän TW enjamy.

Belet Film — islendik görnüşli filmleriň we teleseriallaryň köp sanlysyny hödürleýän meşhur onlaýn kinoteatr.

Start Messenger — dostlaryň we kärdeşleriň bilen habarlaşmak üçin häzirki zaman messenjeri.

Belet Wideo — dürli hili millionlarça wideolar: klipler, täzelikler, öwrediji wideolar we beýlekiler.

Belet Music — millionlarça aýdymlarydyr sazlary özünde jemleýän toplum. Bu programmada halaýan aý ymlaryňyzy diňläp we göçürip alyp bilersiňiz.

Sergide «Jan Tehnologiýa» HJ öz önümleriniň täzeçil aýratynlyklaryny hödürlemek bilen, ýörite aksiýa geçirer, onuň esasynda bolsa gatnaşyjylar sowgat hökmünde Belet Film hyzmatyna abuna ýazylyp bilerler. Bu onlaýn kinonyň ähli artykmaçlyklaryna baha bermek we halaýan filmleriňizi görmekden lezzet almak üçin ajaýyp mümkinçilikdir.

«Biziň «Türkmentel-2024» sergisinde diwarlygymyzda hödürleniljek innowasiýalar dünýäsine aralaşmak we täze işläp taýýarlamalarymyz bilen tanyşmak mümkinçiliginden peýdalanmaga çagyrýarys» diýip, «Jan Tehnologiýa» kompaniýasynyň wekili belleýär.

Bu çäre Türkmenistanyň Söwda-senagat edarasynyň binasynda, Aşgabat şäheriniň Çandybil şaýolunyň 143-nji jaýynda geçiriler.