Girmek
Türkmenistanyň we Lihtenşteýn Patyşalygynyň BMG-niň ýanyndaky hemişelik wekilleri iki ýurduň arasynda diplomatik gatnaşyklaryň ýola goýulýandygy baradaky Bilelikdäki teswirnama gol çekdiler. Gol çekmek dabarasy Türkmenistanyň BMG-niň ýanyndaky Hemişelik wekilhanasynyň edarasynda geçirildi.
Duşuşygyň dowamynda Türkmenistanyň BMG-niň ýanyndaky hemişelik wekili Aksoltan Ataýewa hem-de Lihtenşteýn Patyşalygynyň BMG-niň ýanyndaky hemişelik wekili Kristian Wenaweser syýasy-diplomatik, söwda-ykdysady we medeni-ynsanperwer ugurlarda ikitaraplaýyn hyzmatdaşlygy ösdürmegiň mümkinçiliklerini ara alyp maslahatlaşdylar.
Taraplar BMG-nyň çägindäki özara gatnaşyklara, şol sanda parahatçylygy berkitmek, öňüni alyş diplomatiýasy we halkara sport gatnaşyklaryny ösdürmek meselelerine aýratyn üns berdiler.