«Arkadag» kluby Çagyryş ligasyndaky oýunda Gyrgyzystanyň «Abdyş-Ata» toparyny ýeňdi

Türkmenistanyň Ýokary ligasynyň häzirki çempiony «Arkadag» futbol kluby AFK-nyň Çagyryş ligasynyň ikinji tapgyrynda Gyrgyz Respublikasynyň çempiony «Abdyş-Ata» topary bilen duşuşykda ýeňiş gazandy.

Duşuşyk sişenbe güni Kuweýtde geçirildi we «Arkadag» klubynyň 2:0 hasap bilen ýeňşi bilen tamamlandy. Gollary Şamämmet Hydyrow (27-nji minut) we Abdy Bäşimow (49) geçirdiler.

Bu ýeňişden soň Wladimir Baýramowyň futbolçylary 6 utuk toplamagy başardylar we «B» toparda birinji orna geçdiler.

Jemleýji, üçünji tapgyryň oýunlary 1-nji noýabrda geçiriler. «Arkadag» kluby Kuweýtiň «Al-Arabi» topary bilen duşuşar, «Abdyş-Ata» bolsa Maldiwleriň «Maziýa» kluby bilen oýnar.

AFK-nyň Çagyryş ligasy — Aziýada ähmiýeti boýunça üçünji klub ýaryşydyr.

Afişa

Makalalar