Girmek
Gyrgyzystanyň Prezidenti Sadyr Žaparow Respublikanyň Ýokary kazyýetiniň başlygy wezipesine Mederbek Satyýewi belledi diýip, ýurduň döwlet Baştutanynyň metbugat gullugyna salgylanýan TASS habar berýär.
Satyýewi bu wezipä Gyrgyz kazylarynyň Geňeşi hödürledi.
Täze ýolbaşçy Gyrgyzystanyň Milli uniwersitetini tamamlady. Dürli ýyllarda kazyýet ulgamynda ýolbaşçy wezipelerde işledi. 2024-nji ýylda Ýokary Kazyýetiň kazysy boldy.
Gyrgyzystanyň Ýokary kazyýetiniň öňki başlygy Zamirbek Bazarbekow şu ýylyň 9-njy oktýabrynda öz islegi boýunça işden gitdi. Bazarbekow möhletinden öň işden gitmeginiň sebäplerini mälim etmedi.