Girmek
Litwanyň seými (Mejlisi) ýurduň Prezidenti Gitanas Nauseda tarapyndan hödürlenen Ministrler Kabinetiniň başlygynyň ygtyýarlylyklaryny ýerine ýetirýän Ingrid Şimoniteni Respublikasynyň hökümet başlygy wezipesine tassyklady. Seýmiň plenar maslahatynda onuň üçin deputatlaryň 70 –si goldap, ses berdi, 28 deputat garşy çykdy we 23 kanunçykaryjy saklandy diýip, TASS habar berýär.
Täze Ministrler Kabinetin üç aý töweregi işlär, onuň ygtyýarlylyk möhleti nobatdaky parlament saýlawlarynyň geçjek aýy bolan oktýabrda dolar. Ondan soňra täze kabinet düzüler.
Seýmde çykyş eden hanym Şimonite galan döwürde bilim, howpsuzlyk we energetika ulgamlardaky maksatnamalaýyn işleri tamamlajakdyklaryny habar berdi.
Parlamentde tassyklanandan soňra, premýer-ministr Ministrler Kabinetini düzmäge girişýär. Öňki ýa-da täze ministrleri Prezident makullamaly. Litwanyň Ministrler Kabineti Prezident resmi taýdan wezipesine girişenden soňra, öz ygtyýarlylyklaryny bes edýär. Litwada 12-nji iýulda Nauseda ikinji möhlete Prezident wezipesine girişdi.