Girmek
Ispaniýanyň 11 sany kompaniýasynyň we 20-ä golaý ministrliginiň wekillerinden ybarat işewür wekiliýeti Türkmenistana iş sapary bilen geldi.
Saparyň çäginde Türkmenistanyň daşary işler ministriniň orunbasary Ahmet Gurbanow bilen Ispaniýanyň Türkmenistandaky Adatdan daşary we Doly ygtyýarly ilçisi (oturýan ýeri Moskwa şäheri) Markos Gomes Martineziň arasynda duşuşyk geçirildi.
Duşuşykda diplomatlar ikitaraplaýyn gün tertibindäki häzirki meseleleri, özara hyzmatdaşlygyň hukuk binýadyny berkitmek, şeýle hem ýokary derejeli aragatnaşyklary we medeni we ynsanperwer häsiýetli çäreleri guramaklygy ara alyp maslahatlaşdylar. Şonda bu saparyň iki ýurduň arasyndaky söwda we ykdysady gatnaşyklary pugtalandyrmak üçin nobatdaky ädim boljakdygy nygtaldy.
Duşuşygyň ahyrynda taraplar gazanylan şertnamalara laýyklykda diplomatik gatnaşyklary dowam etdirmek barada ylalaşdylar.
Ispan wekiliýetiniň saparynyň çäginde Türkmenistanyň 20-ä golaý ministrliginiň we müdirliginiň ýolbaşçylary bilen duşuşyklar bolar. Wekiliýetiň düzümi «Ibertest», «Nobargi», «Typsa», «Cesce», «Tubacex», «Almar Water», «Teltronic» we beýlekiler ýaly 11 sany ispan kompaniýasynyň wekillerini öz içine alýar.