Girmek
Şaýbaly hokkeý boýunça halkara federasiýasy (IIHF) tarapyndan hokkeý boýunça ýetginjekleriň arasyndaky dünýä çempionatynyň üçünji diwiziýonynyň «B» toparçasyndan orun alan oýunlaryň geçiriljek senesini we başlanjak wagtyny yglan etdi. Duşuşyklar 4 — 7-nji martda Keýptaun şäherinde geçiriler.
Keýptaundaky oýunlarda üçünji diwiziýonyň «A» toprçasyna ýollanma almak üçin dört topar: Gonkongyň, Taýlandyň, Türkmenistanyň we GAR-yň ýygyndylary güýç synanyşarlar.
Türkmenistanyň ýygyndysy ilkinji oýnuny 4-nji martda Taýlanda garşy geçirer. Maksat Ataýewiň şägirtleri 5-nji martda Gonkong bilen duşuşarlar hem-de 7-nji martda ýer eýesi GAR bilen boljak oýun bilen ýaryşy jemlärler.
Duşuşyklaryň ählisi Keýptaun şäherindäki «Buz menzili» sport toplumynda geçiriler.
Türkmenistanyň ýygyndysynyň geçirjek oýunlarynyň tertibi (aşgabat wagty bilen):
- 4-nj mart / 17:30 – Taýland – Türkmenistan
- 5-nji mart / 17:30 – Türkmenistan – Gonkong
- 7-nji mart / 22:30 – GAR – Türkmenistan
Geçen ýyl Türkmenistanyň ýetginjekler ýygyndysy Ulan-Bator şäherinde geçirilen 18 ýaşdan uly bolmadyk türgenleriň arasyndaky Aziýanyň we Ýuwaş ummany sebitiniň birinji çempionatynda kümüş medala mynasyp bolupdy. Oňa türkmen ýygyndysy bilen bir hatarda Özbegistanyň, Mongoliýanyň, BAE-niň, Taýlandyň we Eýranyň ýygyndylary gatnaşypdylar.