Girmek
Türkmenistanyň Russiýa Federasiýasyndaky ilçisi Esen Aýdogdyýew Moskwa şäherinde Kipr Respublikasynyň Russiýa Feedrasiýasyndaky ilçisi Kipros Ýorgallis bilen duşuşdy.
Türkmenistanyň Moskwadaky ilçihanasynyň web saýtynda habar berilmegine görä, diplomatik wekilhanalaryň ýolbaşçylary döwletara gepleşikler barada pikir alyşdylar we ýakyn geljekde syýasy-diplomatik, söwda-ykdysady, medeni-ynsanperwer gatnaşyklaryň has-da işjeňleşdirilmegi bilen baglanyşykly meselelere garadylar.
Diplomatlar BMG we beýleki halkara guramalarynyň çäklerinde hyzmatdaşlygy has-da pugtalandyrmak nukdaýnazaryndan ikitaraplaýyn gatnaşyklary ösdürmegiň möhümdigini bellediler.
Ýeri gelende bellesek, Kipros Ýorgallis 2023-nji ýylyň maý aýynda Kipr Respublikasynyň Türkmenistandaky ilçisi (oturýan ýeri Moskwa şäheri) hökmünde akkreditirlendi.