Girmek
22-nji ýanwarda Täjigistanyň Prezidenti Emomali Rahmon ýurduň milli ýygyndysynyň Aziýanyň kubogyndaky oýnuna tomaşa etmek üçin Katarda saparda bolýar.
Prezident milli ýygyndynyň çempionatda şu gün Liwanyň ýygyndysy bilen geçirjek duşuşygy üçin üstünlik arzuw etmek maksady bilen futbolçylar bilen duşuşdy.
«A» toparçanyň çägindäki Täjigistan ― Liwan duşuşygy Aşgabat wagty bilen agşam sagat 22-de başlanar. Duşuşyk Doha şäherindäki Jasim bin Hamad stadionynda geçiriler.
Mundan öňki iki tapgyrda täjik ýygyndysynyň Katardan 0:1 hasabynda utulyp, Hytaý bilen 0:0 hasabynda deňme-deň oýnandygyny ýatladýarys.
Aziýanyň kubogynda pleý-off tapgyryna her toparçanyň iň güýçli iki ýygyndysy we üçünji orny eýelänleriň iň gowy dördüsi gatnaşýar.