Girmek
Köýtendag etrabyndaky 4-nji sport mekdebiniň tälimçisi Sanjar Abdyrahmanow Türkmenistanyň milli ýygyndysynyň Kuraş boýunça 14-nji dünýä çempionatyndaky üçünji kümüş medalyny gazandy.
90 kilograma çenli agram derejesinde ýaryşan türkmen pälwany final tutluşygynda özbegistanly Erkin Kozokowdan asgyn geldi. Özbegistanly türgen ýaryşdan öň “Turkmenportalyň” habarçysyna beren interwýusynda Sanjar Abdyrahmanow bilen ýayn dostdugyny aýdypdy. Bu gün bäsdeşlere öwrülen dostlaryň tutluşygy özbegistanly ýigidiň ýeňşi bilen tamamlandy.
Şeýlelikde, ýaryşyň birinji gününde Türkmenistanyň ýygyndysynyň gazanan medallarynyň sany alta ýetdi. Olaryň üçüsi kümüş, üçüsi bürünç medaldyr.