Girmek
Türkmenistanyň Gazagystandaky ilçihanasy Türkmenistanyň Garaşsyzlygynyň 32 ýyllygy mynasybetli Astana şäherinde baýramçylyk dabarasyny gurady. Bu barada diplomatik wekilhananyň Metbugat gullugy habar berýär.
Çärede baý baýramçylyk meýilnamasy esasynda wideo görkeziliş, halylaryň sergisi guraldy, türkmen milli aşhanasynyň tagamlary hödürlendi, şeýle hem küştdepdi tansy ýerine ýetirildi.
Baýramçylyk dabarasyna Astanada akkreditlenen daşary ýurt diplomatik wekilhanalarynyň we halkara guramalarynyň ýolbaşçylarydyr işgärleri, Daşary işler ministrliginiň we Gazagystanyň beýleki döwlet edaralarynyň wekilleri, tanymal jemgyýetçilik işgärleri, telekeçiler we žurnalistler gatnaşdylar.
Türkmenistanyň Gazagystandaky ilçisi Batyr Rejepow öz çykyşynda 32 ýylyň içinde ýurduň uzak ýol geçendigini we dünýä giňişliginde uly hormata eýe bolan özygtyýarly döwlet hökmünde tanalýandygyny aýtdy.
Ilçi Türkmenistanyň Prezidenti Serdar Berdimuhamedowyň Gazagystana bolan döwlet sapary barada aýratyn nygtap, onuň ikitaraplaýyn gatnaşyklary hil taýdan täze derejä çykarandygyny nygtady.
Dabarada Gazagystanda okaýan türkmen talyplary milli küştdepdi tansyny ýerine ýetirdiler. Ol dabara ýygnananlarda aýratyn täsir galdyrdy.