Girmek
«Coddy» çagalaryň halkara programmirleme mekdebi ýaş türkmenistanlylary robototehnika boýunça ussatlyk sapagyna çagyrýar. Çäre 2023-nji ýylyň 22-nji sentýabrynda «Shemotehnikanyň esaslary» mowzugy boýunça geçiriler.
Guramaçynyň belleýşi ýaly, shemotehnika – elektron enjamlarynyň gurluşygynda ulanylýan elektrik zynjyrlarynyň taslamasyny düzmek we seljermek ylmydyr, onuň esaslaryny bilmek robototehnika has gowy düşünmäge mümkinçilik berýär.
Ussatlyk sapagy çagalaryň döredijilikli we logiki pikirlenişini ösdürmäge, olary programmirlemek we robotlary döretmek işiniň amaly endikleri bilen tanyşdyrmaga, şeýle hem toparlaýyn işlemek ukybyny özleşdirmeklerine gönükdirilendir.
Ussatlyk synpyna gatnaşyjylary ylym we tehnologiýalar dünýäsi bilen tanyşdyrmakda alypbaryjy hökmünde «Coddy» çagalaryň halkara programmirleme mekdebiniň mugallymy, Türkmenistanyň Oguzhan adyndaky Inžener-tehnologiýalar uniwersitetinde robototehnika boýunça ýokary bilim alan mugallym Ýakup Mätiýew çykyş eder. Ýakup çagalara robototehnika ugry boýunça tehniki mümkinçiliklerini we başarnyklaryny açmaga kömek eder.
Ussatlyk sapagy 22-nji sentýabrda «Berkarar» işewürlik merkeziniň 1-nji gatynda, A7 ofisinde geçiriler.
Çäre 18: 30-da başlanýar, gatnaşmagyň bahasy 150 manat. Gatnaşanlaryň ýaşy 6+.
Onlaýn bellige almak işleri şu salgyda amala aşyrylýar.