Girmek
Türkmenistan 2023-nji ýylyň ýanwar — maý aýlarynda Özbegistandan 649 tonna alma import etdi. Bu barada Özbegistanyň Prezidentiniň ýanyndaky Statistika agentligi habar berdi.
Bellenilişi ýaly, şu ýylyň ilkinji bäş aýynyň dowamynda Özbegistandan 649 tonna alma satyn alan Türkmenistan bu ugurda üçünji basgançakdan orun aldy. Degişli döwürde Özbegistandan iň köp alma satyn alan döwletleriň sanawynda 2,5 tonna görkeziji bilen Gazagystan birinji orny eýeleýär. Ikinji orunda 764 tonna özbek almasyny import eden Russiýa Federasiýasynyň ady getirilipdir. Şeýle-de sanawyň ilkinji bäşliginde Gyrgyzystanyň (444 tonna) hem-de Täjigistanyň (125 tonna) adyna duşmak bolýar.
Ýeri gelende bellesek, Özbegistan 2023-nji ýylyň bäş aýynyň dowamynda umumy bahasy 1,8 million amerikan dollaryna deň bolan 4,4 müň tonna almany daşarky bazarlara ugradypdyr.